Is caminos de “Gàiru Betza” sunt torrados torra in vida pro una note gràtzias a is màcheras de “Su Maimulu”.
Sa manifestatzione intre is prus connotas de s’istade ogiastrina, est istada fata in ocasione de sa festa intitulada a Sant’Elena Imperadora, patrona de sa bidda ogiastrina.
Is figuras traditzionales de “Su Maimulu”, su carrasegare antigu gairesu, ant torradu a prennère is caminos de Gàiru Betza, torrende a indanimare cun sa caraterìstica rapresentatzione issoro sa bidda antiga.
Su sagradu de sa Crèsia betza de Sant’Elena e is camineddos a inghìriu, postos in seguridade e illuminados pro s’ocasione e ant acasagiadu una truma de gente cuntenta e bregiosa, arribbada daemedas partes de s’Ìsula.
Sa serada est comintzada a ora de is 20.00 cun sa “Sagra de sa cocoi”, acanta is presentes ant pòdidu tastare su pratu famadu de sa traditzione gairesa.
A sighire, cando ant isfiladu is mascaras de “Su Maimulu” in medas sunt abarrados ispantados dae is antigos ritos arcàicos e dae s’intesa interpretatzione de is membros de s’assòtziu.
A s’agabbu, ballos sardos, mùsica e àteros pratos tìpicos locales durante cun sa festa chi est durada finas a tardu mannu de note.
Sa serada est istada aparitzada dae sa Pro Loco, su Comitadu Organizadore de sa Festa de Sant’Elena cun sa partetzipatzione de s’Assòtziu Culturale “Su Maimulu”.
Boddidu dae vistanet.it
Ufìtziu Limba Sarda Biddas de su Riu Pardu e de is Tacus (Gàiru capufila) 