A s’imbesse de su babbu, atacante de ratza sempre prontu a fàghere gol, Airton John est unu tzentrale difensivu e est rèdutze de s’esperièntzia in su Castiadas
Airton John Oliveira Barroso est unu giogadore nou de su Tertenia. Classe 2000, est fìgiu de Lulù Oliveira, bandera de su Casteddu in is annos Noranta. A su contràriu de su babbu, atacante de ratza semper prontu a su gol, su pitzocu est unu tzentrale difensivu e est rèdutze de s’esperièntzia in su Castiadas. Cun issu arribbat fintzas Alessandro Brandino, fedale suo de Tertenia, firmu dae tres annos pro more de una grave fèrta. In is retes sotziales babbu Lulù at cummentadu cun brègiu sa noa de s’arribbu de su fìgiu in Tertenia, acanta tenet medas amigos. “Gràtzias de coro Tertenia pro is bellos faeddos, ispero chi fìgiu meu Airton potzat sighire a fàghere su chi ddi praghet, est a nàrrere giogare a fùbbalu”. Oliveira fìgiu s’at a agregare a s’iscuadra chi lunis at a cumintzare sa preparatzione in bista de su campionadu de sa Prima categoria chi at a cumentzare e su bia su 2 de mese de ladàmine.
Artìculu leadu dae inoghe
Ufìtziu Limba Sarda Biddas de su Riu Pardu e de is Tacus (Gàiru capufila) 